Հանրակրթության պետական նոր չափորոշչի շրջանակներում ներդրված նախագծային ուսուցումն արդեն դարձել է կրթական գործընթացի անբաժան մաս։ Ուսումնական նախագծերի շուրջ կատարվող աշխատանքների ընթացքն ապացուցում է, որ դրանք ապահովում են ուսուցման գործընթացի արդյունավետություն, զարգացնում աշակերտների մտածողությունը, ստեղծագործական մոտեցումները, խնդիրների առաջադրման և լուծման կարողությունները, ժամանակի կառավարման և այլ հմտություններ:
Ուսումնական նախագծերը տալիս են հնարավորություն ոչ միայն կուտակել գիտելիքներ, այլ նաև դրանք կիրառել իրական պայմաններում՝ դրսևորելով միասնական աշխատանք, կազմակերպչական հմտություններ և սեփական նախաձեռնողություն:
Այս օրերին «Ուսում» դպրոցի տարբեր առարկայական մեթոդմիավորումներում ընթանում են բուռն աշխատանքներ կատարված աշխատանքները հանրագումարի բերելու, առաջիկայում կատարվելիք աշխատանքների նախապատրաստական աշխատանքները կազմակերպելու և իհարկե արդեն իսկ պատրաստ աշխատանքների պաշտպանությունը կազմակերպելու առումով։
Իսկ ներկայացված աշխատանքների թեմաներն առավել քան տարբեր էին՝ ցիրկադային ռիթմերի ուսումնասիրումից մինչև շարժիչների էվոլյուցիա, լյուտեցիումի ստացումից մինչև այլընտրանքային սփլայսինգ, մաթեմատիկայում արհեստական բանականության կիրառման մեթոդներից մինչև ժամանակակից ավտոմոբիլաշինության միտումներ, ֆինանսական գրագիտությունից մինչև դատաբժշկական փորփաքննության հմտություններ, ինտելեկտուալ խաղերի մոդելավորումից մինչև կապիտալիզմի թերությունների վերհանում։
«Ազատ չմտածել նշանակում է չմտածել»։
